当年唐伯虎阿爹同书生夺命剑决斗，唐伯虎娘亲搞搞震冇帮衬，一次又一次玩咗自己老公。唐伯虎阿爹忍无可忍闹人：“小喇叭，朱茜你系咪玩嘢！”

【隐藏梗】

小喇叭同样系问候对方娘亲嘅粗口，而唐伯虎娘亲个名叫朱茜，同样系“猪閪”嘅谐音，指猪嘅（不可描述）部位。

含笑半步钉

出自《唐伯虎点秋香》

“一日冚包散”与“含笑半步钉”分别系唐伯虎同华夫人嘅独门毒药，服用者都会喺短期内毙命。

【隐藏梗】

好多字幕都写成“含笑半步癫”，但粤语版星爷讲嘅系“含笑半步钉”，“钉”系粤语中有死亡嘅意思，更贴切毒药嘅效果。

对穿肠

出自《唐伯虎点秋香》

对穿肠系七省文状元兼宁王参谋将军，人称对王之王，但同华安（唐伯虎）对联比试中被怼得口吐鲜血。

【隐藏梗】

对穿肠嘅谐音就系“怼穿墙”，而有老司机会认为，佢深层意思系某个（不可描述）部位犀利到可以怼穿墙。

类似嘅仲有著名人名“吴好缇”同“吴广得”，出自《九品芝麻官》。